„Донирај облека СЕГА“

Црвениот крст на град Скопје во соработка со веб страната www.fancy.mk  организираше акција за донирање на облека која се реализираше во саботата на 11.12.2010 год. на плоштад Македонија.

Собирањето на  користена облека е традиционална активност на Црвениот крст, а со овааа акција имавме за цел да допреме до помладата популација на граѓани (млади од 18 до 27 год)  и да ги информираме за начините на донирање на облека.

Покрај собирањето на облека имавме за цел да го промовираме и новиот начин на собирање облека кој ќе започне во 2011 година, односно, граѓаните ќе можат да ја донираат облеката во одредени денови во неделата на одредени локации за што ќе бидат информирани преку дневните печати, утринските телевизиски емисии како и преку интернтет.

Облеката ќе биде сортирана и складирана од страна на волонтери во опремена просторија наменета токму за оваа облека, од каде ќе можат да ја подигаат граѓаните на кои истата им е потребна.

На акцијата беа собрани 58 пакети со облека, а интересот на случајните минувачи за начините на донирање на облека беше навистина голем.