Преку партнерство до заедничка цел !

Согласно Меморандумот за соработка склучен помеѓу Црвениот крст на Северна Македонија и Министерството за внатрешни работи, кој континуирано придонесува за зајакнување на подготвеноста и координацијата при хуманитарни активности и одговор при итни состојби, во периодот од 2 до 4 април, во хотел „Солферино“ – Струга, тим од Црвениот крст на град Скопје реализираше обука по прва помош за полициски службеници.

Обуката имаше за цел да ги оспособи полициските службеници како прв одговор на местото на настан при незгоди и несреќи, со акцент на навремено и правилно реагирање и стабилизација на повредени лица до пристигнување на екипите на Итната медицинска помош. Преку теоретски и практични вежби, учесниците стекнаа знаења и вештини за справување со различни итни ситуации, што придонесува за зголемување на безбедноста на граѓаните и поефикасно постапување на терен.

Оваа заедничка активност претставува можност за практична промоција на знаењата и вештините за прва помош пред граѓаните, унапредување на меѓуинституционалната соработка, како и потврда на заедничката заложба за заштита на здравјето и безбедноста на заедницата.

.