Посета на Црвен крст Босна и Херцеговина
На 08.11 и 09.11.2023 г. во Сараево, Босна и Херцеговина се оддржа регионална конференција на тема “ Црвен крст во заедницата – Солидарност и заедништво во пружање помош и нега во домот и активности за здраво стареење “ по повод одбележување на 10 години од постоење на овој сервис во Црвен крст Босна и Херцеговина со поддршка на Швајцарски Црвен крст.
На конференцијата присуствуваа двајца преставници од сервисот “ Дневен центар за стари лица и центар за давање помош во домашни услови “ при Црвен Крст на град Скопје, каде што се презентираа сите активности и сервиси за стари лица пред делегатите од балканскиот регион, се разменија практики на работење во сервисите за стари лица и се споделуваа идеи и начини за понатамошна работа.
Овој вид на конференции се од голема важност со цел споделување на искуства и начини на работа во овие сервиси на регионало ниво, промовирање на здравото стареење како начин на живот и помош во домашни услови како услуги и активно стареење во дневните центри за стари лица кои се потребни во нашето опкружување.
