Работилница за психо-социјална поддршка

Во рамките на проектот за поддршка на лицата од Украина со привремен престој во РСМ од хуманитарни причини, реализирана беше работилница за лицата ангажирани во реализација на проектните активности. Преку користење на  методологијата Points of You© и алатките The Coaching Game, Punctum & Faces работилницата ја водеше Катерина Златановска Попова, користејќи комбинација на дискусија, групна работа и тимски активности фокусирани на искуствено учење.

Целта на работилницата беше да се зајакнат капацитетите на тимот преку личен развој и воспоставување рамнотежа помеѓу приватниот и професионалниот живот.

Во позитивна атмосфера и енергија, сите учесници беа отворени за учење и активно учествуваа во предвидените активности, покажаа интерес за взаемна соработка, а она што е особено важно е и можност на едно место да продискутираат за сопствените предизвици во работата како и можностите за ПСП која ја нуди Црвениот крст презентирана од страна дел од проектниот тим.

Проектот, во рамки на кој е реализирана оваа работилница, е поддржан од Меѓународната федерација на Црвен крст и црвена полумесечина.