Поддршка за лицата од Украина

Во просториите на Црвен крст на град Скопје, започнаа да се реализираат часови по македонски јазик за лицата од Украина  кои престојуваат во нашата земја. Организирани се часови за вкупно 42 лица кои покажаа интерес за оваа активност. Формирани се две групи за возрасни и група за деца од школска возраст и истите ќе посетуваат часови два пати во текот на неделата.

Првите часови поминаа во пријатна атмосфера и интензивна комуникација од страна на вклучените лица. За оваа активност од страна на Црвен крст на град Скопје ангажиран е професор по македонски јазик со долгогодишно искуство и обезбедени се сите потребни материјали за наставата.