Успешно спроведена обука за негувател/ка за помош и нега на стари лица и лица со попреченост

Црвениот крст на град Скопје во рамки на акредитираната програма „Негувател/ка за помош и нега на стари лица и лица со попреченост“ на 29.12.2021 додели сертификати на 15 негуватели кои успешно ја завршија обуката за помош и нега на стари лица и лица со попреченост. Таа се одвиваше во периодот од 01.11.2021 до 21.12.2021. За време на обуката беа почитувани сите протоколи за заштита и превенција од Ковид 19.

Обуката беше реализирана од страна на четворица едукатори од различни профили и тоа:  дефектолог, социјален работник, доктор и медицинска сестра. Во рамки на оваа обука учесниците се стекнаа со нови знаења и техники од областа на негата во домашни услови, психосоцијалната поддршка, како и теоретски и практични знаења за соодветните целни групи за кои и се обучуваат негувателите.  Оваа активност беше обезбедена со поддршка Швајцарски Црвен крст.