2021-01-18

Почеток на нов циклус обуки за негуватели за помош и нега на стари лица и лица со попреченост

Црвениот крст на град Скопје во рамки на акредитираната програма „Негувател/ка за помош и нега на стари лица и лица со попреченост“ на 12.01.2021 започна со нов циклус на обуки за 15 кандидати. За реализација на обуките претходеше информативна сесија за почитување на сите протоколи за контрола и спречување на ширење на Ковид 19.

Обуките се спроведуваат од страна на честворица едукатори од различни профили и тоа: дефектолог, социјален работник, доктор и медицинска сестра. Во рамките на оваа обука кандидатите ќе се стекнат со нови знаења и техники од областа на негата во домашни услови, психосоцијалната поддршка, како и теоретски и практични знаења за соодветните целни групи за кои и се обучуваат негувателите. Обуката се реализира во рамки на проектот за ублажување и надминување на последиците предизвикани од КОВИД-19 пандемијата, поддржан од Business and Strategies in Europe – B&S Europe. Со завршување на обуката, кандидатите ќе се стекнат со државен сертификат за негувател/ка за помош и нега на стари лица и лица со попреченост.

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.