Социјални и Здравствени сервиси
Во рамките на Црвен крст на град Скопје од 2011 година се имплементира проект посветен на грижата на стари лица т.е. проектот: „ДНЕВЕН ЦЕНТАР ЗА СТАРИ ЛИЦА И ЦЕНТАР ЗА ДАВАЊЕ ПОМОШ ВО ДОМАШНИ УСЛОВИ“. Проектот се развива и имплеметира со основна цел за развивање форми на вонинституционална заштита и обезбедување грижа и здравствена заштита на стари и изнемоштени лица. Специфините цели на проекот се: Унапредување на на квалитетот на животот, здравјето и психофизичката состојба на старите лица; Задоволување на здравствени и социјални потреби на старите лица; Социјализација и збогатување на степенот на едукација на старите лица; Промовирање на активен пристап кон животот во староста и Промовирање на волонтерство, вклучување на граѓаните во доброволна работа. Целна група на проектот се стари и изнемоштени лица кои живеат сами или со својот брачен другар кои имаат потреба од медицинска и психо-социјална поддршка. Секое старо лице е посетено во неговиот дом од медицинската сестра и волонтер еднаш во неделата, а по потреба и повеќе. Во проектот за потребите на старите лица се инволвирани волонтери и медицински сестри. Услугите кои ги дава медисинското лице се: мерење на шеќер во крвта, мерење на притисок, контакти со матичниот лекар, делење на бесплатни лекови(предвидени во проектот), давање на совети за земање на терапија, давање на совети за исхрана и придружба на старото лице при одење на лекар.
Услугите кои ги даваат волонтерите се: разговори и други активности за социјализација, делење на храна, помош во купување на прехрамбени продукти, лекови и сл., придружба на старото лице при одење на лекар, на прошетка и сл., завршување на административни работи за старото лице.
За активните стари лица во рамките на проектот функционираат 3 дневни центри за стари лица и тоа во просториите на Дом на Хуманитари Организации Даре Џамбаз, во просториите на Црвен крст Чаир и основното училиште Дитурија во Сарај. Тука, овие лица се инволвираат во програмски обмислени активности за активно стареење како и здравствена превенција и социјална грижа.
