Застани! Слушни си го срцето!

Црвен крст на град Скопје традиционално ја продолжи соработката со клиниката Жан Митрев и со низа активности се вклучи во одбележувањето на Неделата за борба против срцево садови заболувања од 21 до 27 февруари.

Оваа традиционална активност секоја година оди во насока на промовирање на здравјето како приоритет на секоја индивидуа, не само на повозрасната популација туку и кај младите.

Во рамки на неделата во соработка со Ramstore Mall – Skopje за граѓаните кои го посетија трговскиот, организиравме мерење на шеќер во крвта, крвен притисок и можност за здравствени совети од стручниот тим од клиниката.

Под мотото “Застани! Слушни си го срцето” од страна на психолошката служба се оддржа работилница за млади на тема- Излегување од комфорната зона и пробување нови работи.

Младите имаа можност да споделат лични искуства но и да добијат корисни техники за подобрување на секојдневието.

Како и секоја година се организираа и бесплатни кардиолошки прегледи за ранливо население.