Запишани желбите на „Волшебната елка на желби“
Водени од идејата дека секој човек, а посебно дете треба да се чувствува убаво и среќно за време на новогодишните празници, Црвен крст на град Скопје во соработка со Меѓуопштински центар за социјална работа- Скопје, Рамстор мол, а поддржани од Комерцијална банка а.д. Скопје, секоја година организираат „Волшебна елка на желби“ за децата сместени во згрижувачки семејства.
На 1 Декември, 80 деца сместени во згрижувачки семејства соподдршка на волонтерите од Клуб на млади на ЦК на град Скопје, ги запишаа своите новогодишни желби на наменски изработени картички во форма на лампион. Во наредниот период, желбите ќе бидат закачени на големата елка поставена во Рамстор мол.
Ги поттикнуваме сите наши хуманите граѓани, фирми, компании да изберат лампион, да исполнат некоја од скромините, но искрени детски желби и да придонесат за нивната среќа во пресрет на новогодишните празници.