За Скопје со љубов
Под мотото „За Скопје со љубов“, ве покануваме заедно да го одбележиме јубилејот-60 години од земјотресот кој го погоди Скопје. Настанот кој ќе го организира Црвен крст на град Скопје ќе биде на 26 Јули на Плоштад Филип II-Камени мост во 18.00 часот.
Во деновите по земјотресот, 78 Национални друштва на Црвениот крст и Црвената полумесечина речиси од целиот свет билемеѓу првите кои ни упатиле помош.
Волонтерите и вработените од повеќе Национални друштва организирале народни кујни во шаторските населби,дистрибуирале храна, облека и обувки, пружале прва помош и лекарски прегледи и организирале акции за дарување крв,евакуација и спојување на разделените семејства.
Хуманоста и единството се едни од нашите главни принципи на работа. Токму во моментите кога на нашиот град му билонајтешко – нашите волонтери покажале најголема солидарност и сплотеност. Сето ова придонело Скопје да прерасне во градна солидарноста и низ годините ние правиме сè што е во наша можност за тој да остане таков.
За време на настанот, ќе се одвиваат неколку активности како цртање на мурал, интерактивна обука за справување сокатастрофи, иницијатива за пишување на писма и телеграми, изложба на капацитетите на нашето Нaционално друштво идружење со вработените и волонтерите на Црвениот крст.
На истиот ден (26 јули, среда) во соработка со ИТМ и со поддршка на Црвен крст Кисела Вода традиционално ќе биде организирана крводарителска акција во ДХО “Даре Џамбаз”- Центар за дарување крв од 09:00 – 17:00 часот.
