Пребарувај по датум:
2011-03-13

ВРЕМЕ Е ЗА ПОВЕЌЕ ЗНАЕЊА

Одбележана неделата за борба против ракот 1-8 Март

По повод Неделата за борба против ракот од 1-ви до 8-ми март, традиционално како и секоја година Црвен крст на град Скопје во соработка со здружението Животна искра на 7–ми март 2011 година ги посетија пациентките на Универзитетските клиники за Торако – васкуларната хирургија Дигестивна хирургија и Онкологија и радиотерапија
Во рамките на оваа посета , а во пресрет на одбележувањето на Меѓународниот ден на жената 8-ми март, за сите пациентки кои се на овие оддели, Црвениот крст на град Скопје и Животна искра подарија пригодни подароци и оригами цвеќе кое што беше изработено од самите млади волонтери од клубот на млади на ЦК на град Скопје.
Како и секоја година, настанот беше во знакот на поддршка и охрабрување на пациентките во нивната борба со ракот.
Во рамките на оваа недела, Црвениот крст на град Скопје, даде активна поддршка кон трибината организирана по повод 18 годишното постоење и активности на Животна искра, а на самата трибина добивме и плакетата во знак на поддршка кон нивните активности.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.