,,Волшебна елка на желби”

,, Волшебната елка на желби “ и оваа година ги исполни сите 173 желби на децата сместени во згрижувачки семејства. Тоа е една од активностите која од година во година стана претпознатливо обележје  , а граѓаните ја  препознаваат како интересно случување во пресрет на празниците. Како и секоја така и оваа година Црвен крст на град Скопје во соработка со Ramstore Mall, JУ Меѓуопштински центар за социјална работа и центарот за поддршка на згрижувачки семејства поддржани од Комерцијална банка ја организираа оваа активност. Желбите на  децата беа запишани на лампиони закачени на елката која е поставена во трговскиот Ramstore Mall. Голема благодарност  упатуваме до хуманите граѓани кои со голема љубов и внимание дадоа поддршка да се реализира  активноста, членовите на мото клубот Hells Angels кои се континуирани поддржувачи на нашите активности , а кои ги обезбедија пакетчињата но и на сите оние кои овозможија да придонесеме за многу детски насмевки.