Вежба со Француска амбасада

Црвениот крст на град Скопје во соработка со Амбасадата на Република Франција во Република Македонија традиционално , по 4-ти пат, ќе реализира заедничка вежба со цел подигање на свеста за важноста на добрата подготовка во случај на природни катастофи.

Сценарио за вежбата е следно: Тимовите за одговор при катастрофи и Тимот за спасување на планина ќе симулираат укажување прва помош на терен и заедно со француските биноми ќе ги евакуираат на сигурно повредените кои потоа преку симулација од страна на МНР и МО на Р.Франција организирано преку воздушен патека ја напуштаат територијата на РМ. Вежбата ќе се одвива на 5 Октомври (недела) во периодот од 10:00-13:00 часот, а локациите каде ќе се случува настанот се последна автобуска постројка бр. 57 (н.Бутел), Порта Македонија, Француско училиште во Скопје- ЕФИС и Даре Бомбол на средно Водно. На вежбата ќе земат учество преку 80 волонтери на Црвен крст на град Скопје како и вработени во Француска амбасада. Во активноста ќе се вклучат и другите институци на системот како ЦУК, ДЗС МВР и др.