Пребарувај по датум:
2017-12-11

УСПЕШНО СЕ РЕАЛИЗИРАШЕ НЕДЕЛАТА НА ГРИЖА ЗА СТАРИ ЛИЦА

УСПЕШНО СЕ РЕАЛИЗИРАШЕ НЕДЕЛАТА НА ГРИЖА ЗА СТАРИ ЛИЦА

Под мотото СИТЕ СМЕ НИВНИ ДЕЦА, се реализираше Неделата на грижа за стари лица 2017 година. Со активностите кои се спроведоа преку Црвен крст на град Скопје, во периодот од 20-25.11.2017, директно беа опфатени и вклучени 776 лица во трето доба.
Активноста започна со настан во дневниот центар за стари лица во ДХО „Даре Џамбаз“, каде се одржа донаторска средба на која присуствуваше Министерката за труд и социјална политика Мила Царовска, директорот на Албиз Фондацијата Илир Идризи и претставници на Град Скопје. Во рамки на оваа недела, организиран беше хуманитарен фолклорен концерт, на кој присуствуваа над 200 активни лица во трето доба, кои имаа можност да проследат настапи на музички групи и хорови од различни етнички групи на лица во трето доба. Реализирана беше и работилница за плетење во која беа вклучени 11 корисници и 12 волонтери, а повозрасните ги споделуваа техниките на плетење со помладите. Во соработка со училиштето за лица со оштетен вид ДУРДМОВ „Димитар Влахов“, се организираше посета на ЈЗУ Геронтолошки Завод „13 Ноември“, каде учениците имаа музички рецитал за 35 штитеници на домот. 
Во текот на неделата се реализираа и 5 пунктови (Сарај, Чаир, Центар, Аеродром и Шуто Оризари) за информирање и здравствена превенција, преку кои беа опфатени 252 лица. Беа доделени 180 пакети со храна за социјално загрозени стари лица во домашни услови, како и скромни подароци од страна на волонтерите.


Цела недела , како и тековно преку целата година, течеа посетите на стари и немоќни лица во домашни услови од страна на 5 мобилни тимови, составени од медицински сестри и волонтери. Во рамки на неделата, дополнително, 76 стари лица во домашни услови добиваа услуги за нега од страна на 38 обучени негувателки за стари и немоќни лица.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.