Пребарувај по датум:
2025-02-07

Услугата Итно копче достапна за жителите на општина Центар

На 06.02.2025, со Општина Центар се потпиша договор за воведување на „Итно копче“, услуга со која на жителите на Општина Центар на возраст над 65 години им се овозможува поддршка и помош, достапна 24/7.

Корисниците добиваат уред во форма на приврзок или нараквица, кој овозможува веднаш да се повика помош од Контакт центарот на Црвениот крст.

Сите заинтересирани граѓани може да се пријават за користење на оваа услуга од 07.02.2024 година, доколку ги исполнуваат критериумите од јавниот повик. 

Оваа услуга е продолжена рака на услугите помош и нега во домот и услугата посебен транспорт кои се достапни бесплатно за граѓаните на општина Центар. 

Ова е дополнителна услуга која има за цел да им овозможи поголема сигурност и безбедност на нашите највозрасни сограѓани, истовремено подобрувајќи им го квалитетот на живот.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.