“Театар во визба”

Младите од Клубот на млади на Црвен крст на град Скопје блеснаа на 02 Ноември во изведна на претставата “ Театар во визба” под диригентската палка на Снежана Конеска Руси. Шармантни, полни со енергија и ентузијазам ја покажаа другата страна на важноста на волонтирање и себепронаоѓањето. На дел од нив ова не им е прва претстава, но сите, без исклучок, застанаа прв пат на театарските штици преку програмите кои ги нуди Црвениот крст. Претесна беше малата сцена на МНТ за сите родители, пријатели и поддржувачи на младинците. Но, сите хуманисти бидејќи средствата собрани од оваа претстава се наменети за поставување на рампа за лица кои се во колички, токму во малата сцена во МНТ. Некои од претстави кои ги реализираат овие младинци се изведуваат со нивните другари, лицата со посебни потреби. За сите оние кои ја пропуштија ова прекрасна претстава, ќе има уште една реприза.