Пребарувај по датум:
2011-09-17

Светскиот ден на Првата помош

Црвен крст на град Скопје на 14 септември (среда) во Трговскиот центар Рамстор го одбележa Светскиот ден на Првата помош.

Повторно ги потсетиме граѓаните за важноста на Првата помош како во домашни услови така и на улица, бидејќи Првата помош спасува живот.
Во период од 12:00 до 14:00 часот на подот во Рамстор беше поставена налепница, фигура на човек, во природна големина која изгледа како повредена и падната на подот.
Околу налепницата, екипата за прва помош која зема учество на натпреварот на главните градови во Букурешт, укажуваше прва помош и им објаснуваше на ѓраѓаните основи на првата помош.
Се делеа флаери и се разговараше со граѓаните.
Налепницата ќе остане во Рамстор нареден период како потсетување за важноста на Првата помош.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.