Светски ден на згрижувачи

Црвен крст на град Скопје во соработка со Министерство за труд и социјална политика, ЈУ Меѓуопштински центар за социјална работа – Скопје со поддршка на Комерцијална банка имплементира годишна програма за социјализација на деца и млади со посебни потреби и деца сместени во згрижувачки семејства.

Како дел од овие активности е и одбележување на 01 јуни светскиот ден на згрижувачи кој оваа година традиционално го одбележивме пред спомен куќата на мајка Тереза со голем хепенинг и дружење со децата, згрижувачите и волонтерите на Црвен крст на град Скопје. 
На истото место беа поставени тенди на кои се осмисли програма со Кристијан магионичарот во кои интерактивно се вклучија децата, а се забавуваа и со изведувачи на детски песнички од Златно славејче. Исто така и самите згржувачи проговорија односно го споделија личното искуство и ги поттикнаа останатите граѓани да ја прифатат оваа форма. Се реализираше и ликовна работилница со ликовен уметник и педагог, а Живко Поповски Цветин за секој згрижувач изработуваше цвеќиња на хуманоста.