Стрес и негово менаџирање

Во просториите на Црвен крст на град Скопје, преку Одделот за млади, се одржа едукативна сесија на тема „Стрес и негово менаџирање“, под водство на Сергеј Маринковски – врснички едукатор по ментално здравје.

На сесијата се дискутираше за тоа што претставува стресот, како влијае врз телото и умот, и кои техники можеме да ги користиме за негово управување. Учесниците имаа можност да споделат лични искуства, да научат практични техники за релаксација и да ја согледаат важноста на психолошката поддршка во секојдневието.

Порака од денот:

„Стресот е дел од животот, но ние одлучуваме како ќе реагираме.“

Голема благодарност до сите што беа дел од оваа активност. Продолжуваме заедно да градиме поздрави и посреќни заедници.