Справување со топлотниот бран

Од 21 до 28 јули, секој работен ден од 11.00 до 16.00 ч., 30 обучени волонтери со возила на Црвениот крст ќе бидат на терен и ќе патролираат на најфекфентните локации во градот (автобуски постојки, амбуланти, пазари…). Преку директен контакт со населението, ќе се дистрибуираат информативни материјали/флаери со совети за заштита од топлотен бран, совети за консумирање и приготвување храна и препораки за консумирање вода. Тимовите ќе поделат шишиња вода, а по потреба ќе вршат мерење на крвниот притисок на граѓани кои ќе се пожалат на здравствени проблеми. Во интервентни случаи, доколу се забележи посериозен здравствен проблем, тимовите ќе вршат транспорт до најблиската здравствена установа, или пак до домот на лицето кое има потреба од терапија во домашни услови.

Во насока на грижата за здравствената и психофизичката состојба на бездомниците во градот Скопје, како една од најранливите категории граѓани,  во пунктот за бездомници на Црвен крст во Момин Поток на располагање е мобилниот телефон  071/223-972 за дојави од граѓани за бездомници кои се погодени од топлотниот бран.

Активностите на ова поле се поддржани од Град Скопје