“Сончеви денови и бои на радост“
Заедно со корисниците од Дневниот центар за лица со интелектуална попреченост поминавме незаборавен одмор од 10 до 13 јули во тренинг центарот на Црвен крст на град Скопје, хотел Солферино – Струга! Во пријатна и релаксирана атмосфера уживавме во прошетки покрај езерото, дружење, игри и многу насмевки. Организиравме и ликовни работилници каде што корисниците преку цртежи и бои го изразија своето доживување од одморот и природата која не опкружуваше.
Овој одмор беше вистинска можност за релаксација, креативност и зајакнување на нашата поврзаност. Создадовме спомени што ќе ги паметиме долго!
Искажуваме голема благодарност до Сава Осигурување и Сава Пензиско друштво за несебичната донација со која овој одмор стана реалност. Вашата поддршка значи многу за нашите корисници и нивната инклузија во заедницата.
Овој одмор е исто така овозможен со поддршка од Министерство за социјална политика, демографија и млади, со цел унапредување на иклузијата и подобрување на квалитетот на живот на лицата со попреченост.
