Пребарувај по датум:
2010-05-11

СКОПСКИ МАРАТОН 2010

И оваа година Црвениот крст на град Скопје беше донатор на Скопскиот  маратон со учество на 4 тима за обезбедување на учесниците на трката.

Маратонот го обезбедуваа 5 доктори, 4 парамедици, 4 од тимот за логистика со 4 возила.  На целта од маратонот беше поставен шатор со 10 кревети, еден тим за обезбедување и три тима на патеката на маратонот.

Сите тимови имаа интервенции, посебно на целта им се укажа помош на околу 60 учесници на маратонот. Нашиот тим ги прифаќаше учесниците на маратонот кои влегуваа на целта и имаа потреба од помош и ги згрижуваше во шаторот. Имаше разни повреди, посекотини од паѓање, грчеви, изнемоштеност, повраќање, колапси и сл. Тимовите на Црвен крст крајно професионално и дициплинирано ги згрижија сите.

По укажаната помош сите го напуштаа шаторот со благодарност до Црвениот крст. Тимовите на Црвениот крст   и овој пат ја докажаа подготвеност на Организацијата за учество на масовни манифестации.

За цело време знамето на Црвениот крст се вееше пред шаторот, а организаторот преку разглас информираше дека Црвениот крст на град Скопје со 4 тима го обезбедува маратонот и на крај упати благодарност на тимовите кои учествуваа во обезбедувањето на оваа масовна манифестација.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.