Семинар за трговија со луѓе 24-25.09.2011 година

На покана на Црвениот крст на Србија и Црвениот крст на Белград, претставник на Црвен крст на град Скопје,

клуб на млади, присуствуваше на тренинг едукација за нови тренери по трговија со луѓе.

Цел на семинарот беше во борбата против трговијата со луѓе да се усовршат нови техники и методи за работа со дефинирани целни групи.
Тие целни групи беа: деца од згрижувачки семејства и деца со намален психофизички развој.
Семинарот се одржа во просториите на Црвениот крст на Србија и Црвен крст Белград во период од 24 и 25 септември 2011 година.
На семинарот главна цел на обработка и едуцирање на новите тренери беше превентивниот пакет кој е доградба на постоечките капацитети.
На почеток на семинарот обуката беше за проблемот со трговијата со луѓе, освежување на знаењата и новите трендови.
Поради тоа што во иднина треба да се работи со деца од згижувачки семејства и деца со посебни потреби, беа презентирани и дидактичките материјали – материјали прилагодени за тие целни групи како и методи за работа со тие целни групи.
Потоа следуваше презентација за мрежата и вклученоста на Црвениот крст во оваа проблематика и спроведување на програмата.
Оваа обука беше драгоцено искуство во насока на идни активности насочени кон превенција и подигнување на свеста кај специфични целни групи за проблемот со трговија на луѓе.