Семинар за психо-социјална добросостојба и групна кохезија кај негуватели
Во период од 20-22 Септември 2024 во Центарот за Едукација – Солферино, Струга беше реализиран семинар за психо-социјална добросостојба и групна кохезија кај негуватели од страна на Нега Центарот при Црвен крст на град Скопје.
Семинарот беше наменет за негуватели кои се вклучени во сервисите за помош и нега во домот на територија на општините Центар, Карпош и Кисела Вода.
Во текот на тим билдинг семинарот, со негувателите беа реализирани слободни активности, групни активности на отворено, техники за релаксација, вежби од областа на менталното здравје, психо-социјална поддршка и грижа за себе, се со цел јакнење на личните капацитети и групна кохезија кај негувателите.
Оваа активност е рализирана од страна на психолог од Центарот за Ментално здравје и психосоцијална поддршка при ЦКРСМ со поддршка од Швајцарски Црвен крст.
