Пребарувај по датум:
2022-11-03

Семинар за психо-социјална поддршка за мобилни тимови

Во периодот од 30.10.2022 до 01.11.2022  во тренинг центарот ,,Солферино’’ беше организиран семинар за психо-социјална поддршка за мобилни тимови. Мобилните тимови ангажирани во поддршката наменета за лицата од Украина, како и мобилните тимови кои работат во прифатно-транзитните центри на Црвениот крст на град Скопје имаа можност да се стекнат со основни знаења за принципите на психо-социјалната поддршка и првата психолошка помош.

На семинарот беа демонстрирани практични вежби и активности со кои се збогатија капацитетите на мобилните тимови за давање на психолошка помош и психо-социјална поддршка, а се потенцираше и важноста од подигнување на свесноста за грижата за себе и грижа за менталното здравје на помагачите.

Оваа активност беше реализирана со поддршка на Меѓународната Федерација на Црвениот крст и Црвената полумесечина.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.