Практична настава за идните негуватели во старски дом „Идила Терзиева“

Од 01.06 до 12.06.2018 година кандидатите од вториот циклус на обуки за негуватели на стари и немоќни лица, при Црвен крст на Република Македонија, ќе ја реализираат практичната настава во домот за стари лица – Идила Терзиева.

Со тоа идните негуватели ќе се стекнат со основни и напредни знаења и вештини во практична работа со стари и немоќни лица.По завршениот прв ден, одговорното лице за пракса во домот даде позитивна критика за нивната работа, нивниот голем интерес и афинитети кон работата со старите и немоќни лица. По завршувањето на практичната настава во институција, ќе следи праксата во домашни услови кај немоќни и стари лица.