Потпишан меморандум за соработка

Секретарот на Црвен крст на град Скопје и деканот на Филозофски факултет – Скопје во состав на УКИМ, потпишаа Меморандум за соработка со кој се продлабочува соработката и опфаќа низа активности кои се од интерес и бенефит за двете страни. 

Со овој Меморандум, го промовираме практикантството и волонтерството во вискообразовни средини, ќе ја поттикнеме научната фела за активно вклучување и поддршка на заеднички активности и иницијативи, ќе работиме на  подигнување на јавната свест во насока на грижа за ранливи корисници и ќе организираме и реализираме заеднички активности како општествено одговорни субјекти.

Иницијативата ќе ги зајакне релациите помеѓу двете страни како и подготвеноста за одговор на потребите во заедницата во која дејствувам.  Во првата фаза ќе значи можност за вклучување на студентите на овој факултет како практиканти ангажирани во Пунктот за бездомници на Црвен крст, во рамки на проектот „Зајакнување на здравјето, пристапот, учеството и социјалната еднаквост во земјите од Западен Балкан“ финансиран од Австриско Министерство за социјална работа преку Австрискиот Црвен крст.