Посета на ателје за рачна изработка ,,Хеклана’’

Во рамките на социјалниот сервис ,,Дневен центар за стари лица и центар за давање помош во домашни услови’’ при Црвен крст на град Скопје се организираше посета на студио специјализирано за рачно изработена плетена гардароба и аксесоари како и декоративни изработки во макраме техника ,,Heklana Crochets&Knits’’.

Лицата во трето доба имаа можност да ги разгледаат изработените модели, да прашаат и да ја видат техниката на изработка како би можеле да добијат идеја која би ја реализирале и споделиле на креативната работилница во дневните центри.

Овие работилници се од големо значење бидејќи освен што се одржува моториката , ваквите изработени парчиња во иднина ќе може да се најдат на нашите штандовите.