Помош за бездомници при студениот бран

Црвениот крст на град Скопје со поддршка на градот Скопје и оваа година ќе им понуди 24 часовно згрижување на бездомниците во Прифатилиштето за бездомници во Момин Поток согласно временските услови и потребите на корисниците.

Топол кревет, бања , облека, храна и напитоци ќе добијат бездомниците кои се без покрив на главата.
Во прифатилиштето ќе биде обезбедена и поддршка од лекар, психолог и социјален работник. Изготвен е и логистички план кој вклучува 40 вработени и волонтери од Црвениот крст на град Скопје кои ќе бидат дежурни во прифатилиштето.
Во текот на зимскиот период 4 патролни тимови од по 3 социјални работници ќе бидат на терен и ќе работат на откривање на бездомници кои имаат потреба од помош.
На располагање ќе бидат и патролни возила на Црвен крст со кои ќе можат да бидат превземени бездомниците од локацијата на која се наоѓаат до прифатилиштето.
Тие ќе делат кебиња, вреќи за спиење и топол чај за оние кои нема да сакаат да се сместат во прифатилиштето.
Во акцијата за згрижувње на бездомниците можат да се вклучат и сите граѓани на Скопје со донирање на облека, храна, хигиена и кебиња и со пријавување на бездомници на следните телефонски броеви:
3096-227; 071/261-787; 070/250-054; 070/317-822