„Помислете и на нас! Одбележан меѓународниот ден на глад

Под мотото „Помислете и на нас! “Црвениот крст на град Скопје и Општинските организации на Црвениот крст почнувајќи од 16 Октомври – Меѓународниот Ден на гладта и оваа година организираат кампања која ќе се спроведува до 13 Ноември.

Преку активностите ќе го покренеме општото мислење на јавноста за проблемите на сиромаштијата како и начини за изнаоѓање на фондови за помош на ранливите лица.
Црвениот крст на град Скопје во соработка со ООЦК активностите ги започна на 16 Октомври пред платото на спомен куќата Мајка Тереза во соработка со дневниот центар за стари лица и центар за давање помош во домашни услови на ЦК на град Скопје.

Волонтерите на Црвениот крст и корисниците на центарот продаваа наменски изработени шољи за потребите на кампањата. Во шољите послужувавме кафе или чај, а се продаваа и изработените слатки и солени пецива подготвени по традиционални рецепти од вештите раце на членките на активот на жени пензионерки на К. Вода.
Во кампањата на Црвениот крст на град Скопје се вклучија и вработените лица во компанијата ОКТА, кои на 17.10 се откажаа од својот појадок и 450 лица овие средства ги донираа за кампањата по повод денот на глад.
Во кампањата на Црвениот крст на град Скопје ќе се вклучат и вработените лица во компаниите ОНЕ, Студио модерна, потоа учениците од Американската гимназија НОВА како и 10 скопски детски градинки во соработка со здружението на граѓани за родителство Мајка и дете.
За потребите на ранливото население ТЦ Рамстор ќе донира дополнителна количина прехрамбени пакети.
Поддршка во кампањата ќе имаме од ТЦ Веро и Тинекс маркети.