Пребарувај по датум:
2018-03-17

Подигнување на јавната свест

Во рамки на активностите на Мобилен тим Липково, освен хуманитарната асистениција на мигранти и бегалци во движење, во пресрет на одбележување на 17 март, Ден на формирање на Црвен крст на Република Македонија, членовите на тимот спроведоа повеќе активности со цел подигнување на јавната свест за значењето и промоцијата на крводарителството и укажување на прва помош, како и акција на пошумување на с. Ваксинце, заедно со локалното население од истоименото село.

Минатата недела, во Центарот за ран детски развој во ООУ “Рилиндја” , децата кои посетуваат настава имаа прилика да се запознаат со работата на Црвениот крст и да стекнат основни знаења за укажување прва помош и самозаштита, додека во Гимназијата “Наим Фрашери” , денес се одржа предавање за промоција на крводарителството во пресрет на акцијата за дарување крв во општина Липково, закажана за 8 мај, каде жителите на селата Лојане, Ваксинце и Оризаре ќе може да донираат крв во соработка со ОО на Црвен крст Куманово.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.