Поддршка на локална заедница
Заедно со локалната заедница од с. Лојане, општина Липково, за време на викендот волонтерите при Хуманитарно-сервисната точка засадија вкупно 350 садници црн бор на падините над пограничното село, по должината на северната граница на РСМ. Акцијата за пошумување претставува одговор на потребата од зазеленување на падините опустошени од пожарот кој го зафати северниот регион и предизвика огромна штета врз околните шуми.
Вкупно околу петнаесет млади лица, во соработка со Црвениот крст, помогнаа во засадувањето на боровите садници како мерка за намалување на ризиците од катастрофи, односно ерозија и свлечишта во тој регион.
Ова е втора акција за пошумување што Црвениот крст на град Скопје ја спроведува со локалната заедница од селото Лојане. Минатата година, на три различни локации, беа засадени 250 садници багрем.
