Пребарувај по датум:
2026-01-15

Почеток на ПХВ циклусот 2026

На 12 и 15 јануари се одржаа два онлајн состаноци со секретарите на Општинските организации на Црвен крст. Вкупно 33 секретари и претставници од ООЦК учествуваа на средбите, чија цел беше споделување на новитетите поврзани со ПХВ програмата за 2026 година, навремена подготовка за квалитетен избор на дисеминатори и обезбедување целосна поддршка во текот на целиот ПХВ циклус.

Секретарите беа информирани за критериумите за избор на одговорен дисеминатор, кој ќе добие целосна обука и ќе ја спроведе програмата во својата ООЦК со група од 30 младинци на возраст од 13 до 17 години.

Целта на ПХВ програмата е промена на дневната рутина на младите, промоција на активен начин на живот, поттикнување активен пристап преку реализација на мали проекти, промоција на културата како систем на вредности, како и регрутирање нови волонтери.

Во текот на оваа година се планира обука на 41 дисеминатор, вклучување на 1.230 млади лица и реализација на околу 130 мали проекти за добробит на заедницата.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.