Пребарувај по датум:
2025-11-13

ПХВ Подготвителна работилница

Во периодот од 8 до 9 ноември, во Струга – тренинг центарот „Солферино“, се одржа подготвителната работилница за тимот на ПХВ инструктори.
На работилницата учествуваа 24 инструктори, кои имаа можност да ги сумираат резултатите и постигнувањата од текот на 2025 година, како и да изработат план на активности за 2026 година.

Тимот беше дополнително зајакнат со двајца нови инструктори, со што неговите човечки капацитети и подготвеност за нови предизвици се зголемија уште повеќе.

Во рамки на настанот беше промовирана книгата „ПХВ – приказ за тимот“, која претставува збирка од 40 биографии на членовите и нивниот ангажман во програмата.

✨ Вистинската моќ на организацијата лежи во синергијата на нејзиниот тим!

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.