2024-06-18

Пехар за Црвен крст Пробиштип 🏆

На 18 јуни во Пробиштип во полна кино сала беше организирано доделување на ПХВ пехар за 2024 година. Првото место и пехар им се додели на Црвен крст Пробиштип. Младите од овој град изработиле 6 проекти од кои 5 беа оценети со сонце, односно проекти со трајни промени.

Второто место го делаат Црвен крст Карпош, Црвен крст Гостивар, Црвен крст Куманово и Црвен крст Охрид кои имаат изработено по 3 проекти кои се оценети со сонце.

На настанот се обрати градоначалник на Пробиштип како и генералниот секретар на Црвен крст на РСМ г.Саит Саити кој заедно со раководниот одбор даваат поддршка за имплементација на програмата.

👉🏻 Оваа година во програмата беа вклучени 1.090 млади кои изработиле 169 прокети преку кои им помогнале на 4.171 лице.

Честитки за сите вклучени во овогодишниот ПХВ циклус за постигнати резултати на локално, а со тоа и на национално ниво. 👏🏻👏🏻👏🏻

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.