Пехар за Свети Николе, Битола и Неготино
На 23 септември, во преполната сала на Домот на културата во Свети Николе, се одржа свечено доделување на ПХВ пехарот за 2025 година. Првото место и пехарот беа доделени на општинските организации на Црвениот крст од Свети Николе, Битола и Неготино, поради изедначениот број на проекти оценети со „сонце“.
Младите од овие три града изработија 4 проекти кои беа оценети со сонце, проекти со трајни промени за корисниците. На настанот присуствуваа и претставници од 21 општинска организација на Црвениот крст, кои исто така реализираа проекти со „сонце“, што претставува значително подобрување на квалитетот на проектите оваа година.
Свое обраќање на настанот имаа претседателот на Црвен крст Свети Николе, градоначалникот на Свети Николе, како и генералниот секретар на Црвениот крст на РСМ, г. Саит Саити кој заедно со Раководниот одбор на ЦКРСМ, дава силна поддршка за имплементација на ПХВ програмата.
Оваа година, во рамки на програмата беа вклучени 1.041 млад човек, изработени беа 170 проекти, преку кои беше помогнато на вкупно 5.186 лица.
Честитки до сите вклучени во овогодишниот ПХВ циклус за постигнатите резултати – како на локално, така и на национално ниво.
