Oдбележување на 18 Октомври – Европски ден за борба против трговија со луѓе

Со цел подигнување на свеста за опасноста од трговија со луѓе и одбележување на 18 Октомври – Европски ден за борба против трговија со луѓе, Мобилен тим Липково при Црвен крст на град Скопје, организираше марш до врвот Стража во општина Липково, каде 31 учесник после тричасовно пешачење се најдоа на врвот на Скопска Црна гора.

Во искачувањето, учество земаа сите членови на Мобилните тимови кои работат на полето на хуманитарна асистенција на мигрантите на северната граница, но и претставници од Граничната полиција при РЦ Север, претставници од месната заедница на с. Лојане, канцеларијата на УНХЦР во Скопје, НВО Легис и членови на тимот за спасување на планина при Црвен крст на град Скопје.