Одбележување на Недела на борба против шеќерната болест

Корисниците од социјалната услуга ,,Дневен престој за стари лица за активно стареење’’ по повод одбележувањето на Недела на борба против шеќерната болест учествуваа на предавање за најчестото ендокринолошко заболување – дијабетот. 

Се разговараше за навиките и начинот на исхрана како клучен фактор на оваа болест како и за ризик факторите во секојдневието. 

Исто така на корисниците им беа поделени чаеви како донација од компанијата Алкалоид кои помагаат во одржување на нормалното ниво на шеќер во крвта, а дополнително имаа и можност да измерат шеќер во крвта и да се консултираат за нивната лична моментална ситуација.

Ваков тип на активности се од значителна важност бидејки на овој начин се подобрува степенот на едукација која овозможува унапредување на квалитетот на животот и здравјето на лицата во трето доба.