Одбележан Светскиот ден на старите лица
Одбележан Светскиот ден на старите лица на тема: ,,Чекор напред во стандардизација на социјалните сервиси за лица во трето доба”
Вчерашниот ден во Црвениот крст на град Скопје помина во знакот на лицата во трето доба т.е. на темата ,,Чекор напред во стандардизација на социјалните сервиси за лицата во трето доба” се одбележа Светскиот ден на старите лица 1ви Октомври. По тој повод беше органозирана прес конференција на која свое обраќање имаа: г-дин.Безак – Амбасадор на Р.Словачка во РМ, г-ѓа. Сајкова – Директор за Маркетинг и комуникации во Шпарекасе банка, г-дин.Крес – Претставник на делегација од Цвен крст Нинберг и г-ѓа.Сузана Т.Пауновска – Секретар на ЦКГС.
На отворената дискусија учество земаа повеќе лица во трето доба, волонтери и стручната служба на ЦК. ЦКГС овој ден го одбележа и со низа други активности како: ликовна колонија за лица во трето доба, чи конг семинар за стари лица, студиска посета од ЦК Нинберг и редовни посети од тимот на ЦК за 180 стари лица во домашни услови. Овие активности ЦКГС ги реализира во рамките на социјалниот сервис ,,Дневен центар за стари лица и центар за давање помош во домашни услови”, истиот е поддржан од Град Скопје, Шпаркасе банка, Амбасада на Р.Словачка во РМ и Албиз Фондација.
