Одбележан месецот на борба против зависности
Преку реализација на едуктивни предавања во 10 средни училишта на територија на град Скопје, во соработка со ООЦК на територија на град Скопје, го одбележавме месецот Ноември како месец за борба против зависности. На едукациите акцент беше ставен на опасностите кои произлегуваат од зависноста од алкохол, цигари и наркотици. Преку едукативниите предавања опфатени беа повеќе од 250 ученици, како и дел од наставниот кадар кој присуствуваше на истите
Пристапот на едукаторот Златко Ѓорѓиоски, поранешен припадник на МВР со долгогодишно искуство на темата, предизвика голем интерес кај учениците кои имаа низа прашања поврзани со секојдневните предизвици со кои се судираат младите.
На тема Зависност, едукативна сесија беше реализирана и во ПТЦ “Винојуг” – Гевгелија, на која присуствуваа 15 мигранти. Лекарката од Црвен крст акцент стави на делот превенција, а остварена беше и одлична интеракција со лицата на оваа тема.
Значењето на ваков вид едукативни работилници е големо, бидејќи превенцијата е важен сегмент во работењето на Црвениот крст на град Скопје, посебно сегментот за подигнувањето на јавната свеста.