Новогодишни пакети за бездомниците

Традиционално по повод Новогодишните празници Градоначалникот на градот Скопје г. Коце Трајановски го посети Пунктот за бездомници на Црвен крст на град Скопје и на 50 бездомници им додели новогодишни пакети со топла облека.

Овогодишната донација е поддржана и од Ротари клубот.

Во пунктот, секој петок и понеделник бездомниците добиваат чиста облека, хигиенски услуги, берберски ускуги, храна, преглед од лекар и бесплатни лекови. Со нив работи и социјален работник со цел нивна реинтеграција.

Пунктот во текот на целата година е поддржан од Градот Скопје, А.Д. Алкалоид, Сава Осигурување, НЛБ нов пензиски фонд, Промес, Меѓународно училиште НОВA, Неуромедика многу други граѓани.