Новогодишни пакети со топла облека за бездомниците

По повод новогодишните и божиќните празници во Пунктот за бездомници при Црвен крст во Момин Поток, на ден 27.12.2024 традиционално се подели богат празничен ручек и хуманитарни пакети со топла облека за 150 бездомни лица кои редовно го посетуваат пунктот.

Пунктот за бездомници, кој функционира веќе 16-та година, нуди повеќе услуги за лицата кои немаат свој дом и целта е да им се овозможи на овие лица да ги остварат основните човекови права и да се реинтегрираат во општеството. Пунктот е финансиски поддржан од Градот Скопје, повеќе компании и граѓани.