Недела на борба против срцево – садови заболувања

Црвен крст на град Скопје во соработка со Специјалната болница Жан Митрев со низа активности ја одбележа неделата на борба против срцево садови заболувања.
Се реализираше работилница за родителите на децата кои го посетуваат центарот за церебрална парализа на тема “Грижи се за своето срце”. Се организираше и посета во болницата за волонтерите на Црвен крст на град Скопје како и посета во Музеј на илузии заедно со децата кои имаат направено интервенција во болницата а кои беа дел и од летниот камп “Моето срце во сите бои”. 
Во рамките на неделата во ОУ Рилиндија-Рудник Лојане се оддржа предавање на тема “Срцево садови заболувања – фактори, ризици и превентива”. На предавањето беа присутни професорите, а истото имаше за цел едукација, запознавање со фактори на ризик и превенирање на овие болести.