Пребарувај по датум:
2015-05-18

Натпревар по прва помош на градско ниво

Црвен крст на град Скопје и оваа година го организираше традиционалниот градски натпревар по Прва помош за победничките екипи на општинските натпревари во категорија подмладок (ученици од основни училишта на територија на град Скопје).

Учество земаа вкупно 15 екипи. Натпреварот се одржа на 16.05.2015 година (сабота) на Средно Водно во објектот Даре Бомбол под мотото „Првата помош спасува живот“.

На една база младите имаа можност да научат, но и да го потврдат своeто знаење за основните принципи на Црвениот крст, за Женевските конвенции како и за самиот историјат,  додека пак на една база можеa да го зајакнат тимскиот дух. На три бази се практицираше првата помош, а на секоја од базите имаше симулација со три повредени лица и згрижување на истите.  Првото место го освои екипата од Општинската организација на Црвен крст Гази баба од ОУ “ Кирил и Методи”. 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.