Мобилни тимови во акција

Преку 5-те Општински организации на Црвен крст кои дејствуваат на територија на главниот град, овозможуваме сервисна услуга за набавка на храна, хигиена и лекови за старите и изнемоштени лица, лица со посебни потреби, самохраните родители, лица во изолација и самоизолација, како и лица кои не можаат да излезаат од дома од некои други причини. Сервисната услуга е бесплатна, а граѓаните одвојуваат финансиски средства за побараните производи.

Од започнување на активноста примени се над 1 700 повици, реализирани се 500  теренски посети за повеќе од 700 корисници во нивните домови. Остварени беа и над 250 јавувања кон нашите оператори на COC линијата. Со поддршка на мобилните тимови беа поделени и 472 бесплатни пакети за социјално загрозени семејства.

„Финансиските средства за реализација на овие активности на Црвениот крст се обезбедени од Фондацијата на Coca-Cola компанијата и Пивара Скопје.“

Продолжуваме заедно.