Масажа

На крајот на месецот Август, во рамките на Дневниот Центар за стари лица и Центарот за давање помош во домашни услови, а во соработка со Заводот за рехабилитација на деца и младинци со оштетен вид “Димитар Влахов” од Скопје, беа организирани тераписки третмани за корисниците на дневниот центар.

Во рамките на оваа соработка дел од корисниците на Центарот за давање помош во домашни услови добија третмани на медицинска масажа во нивните домови од страна на обучени масери физиотерапевти од овој завод. Исто така третмани на масажи беа организирани и за посетителите на Дневниот центар во просториите во Центар и Чаир.
Физиотерапевтите со оштетен вид изразија желба да продолжат со својата волонтерска работа во рамките на активностите на Црвениот крст, со што оваа убава соработка помеѓу Црвениот крст на град Скопје и Заводот за рехабилитација на деца и младинци со оштетен вид “Димитар Влахов” ќе продолжи и во иднина.