Пребарувај по датум:
2024-11-04

Конференција за Твининг (збратимување) програми во Кишињев, Молдавија

Во периодот од 28 до 31 октомври, во Кишињев-Молдавија, Црвен крст на Норвешка организираше конференција за Твининг програми. На истата присуствуваа претставници од Норвешки Црвен крст, Црвен крст Молдавија, Црвен крст Романија, Црвен крст на Грузија и претставници од Црвен крст на Северна Македонија. 

Твининг координаторот од Скопје имаше можност да ги презентира резултатите, искуствата и прирачникот кој беше изработен по спроведување на Твининг програма во период од 2017 до 2024 со Телемарк-Норвешки Црвен крст.

Заедно со претставникот на Црвен крст Охрид имаа можност да работат во групи со потенцијалните Твининг партнерства од Норвешка кои ќе започнат следната година по потпишување на официјалниот меморандум за соработка помеѓу двете Национални друштва. 

Ваквиот тип на конференции е корисен за споделување на искуства, размена на знаења како и работа во помали групи со цел идентификација на полиња од заеднички интерес и приоритети за следниот период на Твининингот.  

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.