2020-02-24
Концерт со хумана порака
На 15-ти февруари, се одржа традиционалниот концерт „Узун за Узун“ во салата на хуманитарниот дом „Даре Џамбаз“. Настанот беше во организација на Музичкото училиште „Узун“ во соработка со Црвен крст на град Скопје. Како и секоја година, присутните уживаат во музичките настапи на изведувачите, но концертот носи и хумана порака бидејќи средствата собрани на истиот, се наменуваат за ублажување на потребите на поединци или ранливи целни групи.
Оваа година, собраните средства беа донирани за потребите на бездомните лица кои го посетуваат Пунктот за бездомници на Црвениот крст лоциран во Момин Поток. Со овој придонес на музичкото училиште „Узун“, заедно работиме на ублажување на потребите на една од најранливите категории во нашиот град.