“Клубови за млади за едукација и превенција”
Црвен крст на град Скопје во соработка со Германскиот Црвен крст во периодот 2009/2010 реализираа проект “Клуб на млади за едукација и превенција”.
Клубовите беа отворени во 20 училишта на ниво на град Скопје минатата година, и истите беа опремени со нагледни средства: компјутер, фантом за Прва помош, ранец за Прва помош, постер плакати како и едукативни флаери од областа на превенција од зависности, испечатени на два јазика – македонски и албански.
Во тек сме спроведување на вториот циклус активности кој опфаќа одржување на едукативни предавања во училиштата од областа на:
- Здравствено – превентивната дејност: Прва помош, Крводарителство, Сексуално – преносливи болести, Превенција од зависности;
§ Безбедност и дејствување при катастрофи, ставајќи акцент на земјотресите како можна појава на скопското подрачје;
§ Трговија со луѓе;
§ Семејно насилство;
§ Решавање на конфликтни ситуации и врсничка нетолеранција
Заклучно со завршувањето на месец февруари завршуваат едукативните предавања, а во текот на месец март следат нови активности – ЦКА ПХВ обука и изработување на малите проекти од страна на децата.
